Praisecamp,Worship & Ride

Praisecamp 30.12.08

Am morge am haubi 6i simer mit zwöi mit gepäck u lüt gladene outos los, richtig St. Gallen it Olma Halle. Dert heimir e I-Track gha über zSFC(am morge 2 std und am nami 2std): Mir hei eifach die junge lüt wöue asporne, i ihri Liideschaft Gott ibezieh.
Mitem SFC hei mir zeigt wie mirs mache mit üsere Liideschaft.
Üsi Spontanität hei mir ono grad testet i däm, dass mir üses Programm churzfristig gänderet hei u iiirgendwie e Band zämägsteut, mit Lüt usde Teilnämer u Lüt usem Team, zum zämä no chli Worshipe.
Mir si mit viu u feinem Ässe versorgt worde u hei när am abe no ar Predigt u Worship teilgno.


Worship & Ride 31.12.08-3.1.08

Nachter Übernachtig in St.Gallen heimernis e gmüetleche Reisetag gmacht Richtig Davos. In Davos simer gli mau gsi, eis outo hets YWAM - Base schnäu gfunde. z'zwöite het es bizli lenger gha.
Irgendwenn si de aui ar YWAM - Base acho, dert simer härzlech empfange u ufgno worde.
Der Silvester hei mir gfiiret idäm mir gworshipet hei und zabendmal gno. Natürlech heimer scho o agstosse.
Am 1./2.1.09 simer ufe Bärg ga fahre mit hammer wätter u schnee!! Mir hei neui Bekanntschafte gmacht u hei Rabbit fire/Bolognese düre Park gmacht und viu hei sech derfür la begeischtere ob me sech iz kennt het oder nid. Zämä fahre fägt haut scho am meischte. :)

Mir hei gott dörfe erläbä u neus lehrä. Mir si mega ermuetig worde i däm in womer mache, aber o einzeln simer mega ermuetigt worde. Es isch eifach e gueti u intensivi ziit gsi.

Am 3.1.09 heimer när ugschlafe u hei gmüetlech zämä packt u si de när mau ufd Rückreis. Unterwägs heimir när no e Stop gmacht bi öperem daheim zum zmittag ässä.
Mit Müedikeit, bi deune, simer när de doch no daheim acho.



Infos zum SFC- Camp

Zum merkä: 15.-19.4.09 wirds statt finde.
Infos,wie Amäudä, folge.